Қолданушы баптаулары
Қолданушы баптаулары
+7 (701) 759 90 19 Лента
USD 376.60 EUR 429.06
RUB 5.66 CNY 55.64
Jańalyqtar

Астаналық дəрігерлер Зеренді халқына медициналық көмек көрсетті

2018 жылғы 11 тамыз 17:39 320
Бөлісіңіз:
Астаналық дəрігерлер Зеренді халқына медициналық көмек көрсетті

КӨКШЕТАУ. ҚазАқпарат - Қазақстан Республикасы Президенті Іс Басқармасының Медициналық орталығынан келген бір топ дəрігер Ақмола облысының Зеренді аудандық емханасында жергілікті тұрғындарға медициналық көмек көрсетті, деп хабарлайды ҚазАқпарат тілшісі.

Ұқсас жаңалықтар
«Аурухананы жеке меншігіне айналдырды»: Ақтөбеде бас дәрігердің үстінен 45 адам шағымданды Қазақстанда соңғы 10 жылда балалар өлімі екі есе азайды

Медицина ғылымдарының докторы Əмір Ахетов бастаған астаналық дəрігерлер арасында нейрохирург, пульманолог, ревматолог, аллерголог, терапевт, ангихирург, кардиолог, аритмолог сияқты мамандар бар.

«Елімізде бұған дейін де осындай шаралар жүзеге асырылған болатын. Республикамыздың қай өңірін алсақ та, дәрігерлер жетіспейді. Бүгінгі күні Зеренді ауданына астаналық дәрігерлердің келуі аса маңызды», - дейді Зеренді аудандық емханасының бас дəрігері Банұржан Жаңғалов.

Бас дәрігердің айтуынша, емханаға күніне орта есеппен 200-250 дейін адам келіп, дəрігерге көрінеді. Емханада 40-тан астам дəрігер жұмыс істейді. Олардың жұмыс істеуіне емхананың материалдық-техникалық базасы жеткілікті. Тек емханада кей мамандардың жоқтығынан науқастарға портал арқылы Көкшетау жəне Астана қаласындағы емдеу мекемелеріндегі дәрігерлерге көрінуге тура келеді. Оның өзін порталда кезек келгенше біршама уақыт күтуге тура келеді.

Бұл жолы дəрігерлер өздері науқастарды іздеп келіп тұр. Соның ішінде бірінші санаттағы аритмолог дəрігер Нұрлан Елубаевқа 15 адам жазылыпты. Келушілердің арасында Зеренді ауылының тұрғыны Айнұр Құдабаева есімді келіншек те бар. Оның дертке шалдыққанына 7 жыл болыпты. Осыған дейін дəрігер маман болмағандықтан, ол біраз қиындық көріп жүріпті. Бұл жолы көптен күткен оған аритмолог маман УЗИ-ге бару туралы кеңес берді.

Сонымен қатар, жоғары білікті дәрігер мамандарға науқастар ғана емес, өз денсаулығына бей-жай қарамайтын дені сау тұрғындар да жолығып, ақыл-кеңес алуда. Қан тапсырып, рентгенге түсіп, өз денсаулығының қаншалықты сау екеніне астаналық дәрігерлер арқылы көз жеткізуде.

Астаналық дəрігерлер Зеренді халқына медициналық көмек көрсетті
Астаналық дəрігерлер Зеренді халқына медициналық көмек көрсетті
Астаналық дəрігерлер Зеренді халқына медициналық көмек көрсетті
Астаналық дəрігерлер Зеренді халқына медициналық көмек көрсетті

 

 

Біздің каналымызға жазылыңыз:

Басты сөздер: Ақмола облысы, Медицина,
Бөлісіңіз:

Автор:

Аслан Оспанов

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT