Астанадағы жарылыс: Үш адамның жағдайы белгілі болды
«Жарылыс салдарынан зардап шеккен 1991 және 1970 жылғы дүниеге келген екі адам 2-3 деңгейлі күйікпен №1 қалалық аурухананың қарқынды терапия бөлімшесіне жатқызылды. 1979 жылы дүниеге келген тағы бір зардап шегуші Травматология және ортапедия ғылыми-зерттеу институтына жеткізілді. Диагнозы анықталу үстінде. Барлық қажетті медициналық көмек толық көлемде көрсетілуде. Оқиға орнында жедел жәрдемнің 2 бригасы кезекшілік атқаруда», - деді ол.
Бұған дейін, хабарлағанымыздай, Астанада екі қабатты ғимаратта газ баллоны жарылды.
«15 наурыз күні сағат 17:06 кезінде Астана ТЖ департаменті пультіне Алаш тас жолы бойындағы «МолПродуктсервис» ЖШС-нің екі қабатты ғимаратында газ баллонының жарылғандығы туралы ақпарат келіп түсті. Сағат 17:14 шамасында өрт сөндірушілер жеткен уақытта бірінші және екінші қабат арасындағы төбе бөлігі опырылып түскендігі анықталды», - делінген ҚР ІІМ ТЖК ресми өкілі Нұрсұлтан Нұрахмет таратқан мәліметте.