Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Астанадағы жарылыс: Дәрігерлер зардап шеккендер туралы айтты

2019 жылғы 16 наурыз 10:44 1610
Бөлісіңіз:
Астанадағы жарылыс: Дәрігерлер зардап шеккендер туралы айтты

АСТАНА. ҚазАқпарат - Елордалық дәрігерлер газ баллонының жарылысынан зардап шеккендердің денсаулығы туралы айтты, деп хабарлайды ҚазАқпарат тілшісі.

«Кеше кешкі сағат 18:01-де біздің ауруханаға газ баллонының жарылысынан зардап шеккен екі адам түсті. Оның бірі ер адам, екіншісі - әйел. Тексеру көрсеткендей, олардың тыныс алу жолдары ауыр зақымданған және денелерінің 50-70% күйік шалған (әйел 70%, ер адам 50%). Қазіргі уақытта екі пациенттің де жағдай нашар. Олардың өмірін аман алып қалу жолында барлық мүмкіндік жасалып жатыр. Басқа болжамдарды жасау әлі ерте. Оның үстіне, зардап шеккендер әлі тілге келген жоқ», - деді Астана қалалық №1 аурухананың травматология бөлімінің меңгерушісі Алексей Солод.

Айта кетейік, үшінші зардап шегуші Травматология жəне ортопедия ғылыми-зерттеу институтына жеткізілді.

15 наурыз күні кешқұрым Астанада Алаш тас жолы бойындағы «МолПродуктсервис» ЖШС-нің екі қабатты ғимаратында газ баллоны жарылған болатын. Салдарынан 3 адам зардап шекті. Түнгі сағат 01.18-де үйінділердің астынан әйел адамның денесі табылды.

 

 

 

 

Біздің каналымызға жазылыңыз:

Бөлісіңіз:

Автор:

Дәулет Ізтілеу

Загрузка...
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059
MURAǴAT