14:22, 05 Қазан 2022 | GMT +6
Астанадағы «7 бочек» тұрғын үй кешенінен өрт шықты
АСТАНА. ҚазАқпарат – Елорданың сол жағалауындағы «7 бочек» тұрғын үй кешенінен өрт шықты, деп хабарлайды ҚазАқпарат.
Қалалық Төтенше жағдайлар департаменті бұл ақпаратты растады.
«Бүгін сағат 13:34-те Сығанақ көшесі, 20 мекенжайындағы үйде өрт шыққаны туралы хабар келіп түсті. Өрт сөндірушілер келгенде 16-қабаттың сыртқы бөлігі өртеніп жатқаны анықталды. Сағат 14:08-де өрт толық сөндірілді», - деп жауап берді Төтенше жағдайлар депаратментінің баспасөз қызметі.
Баспасөз қызметінің хабарлауынша, тілсіз жауды сөндіруге 25 адам және 5 техника жұмылдырылды.