Қолданушы баптаулары
Қолданушы баптаулары
+7 (701) 759 90 19 Лента
Астана: 26 °С
Алматы: 20 °С
USD 328.31 EUR 386.62
RUB 5.27 CNY 51.49
Жаңалықтар

Астанада жыл басынан бері 64 адам АИТВ жұқтырған

2018 жылғы 17 мамыр 19:18 407
Бөлісіңіз:
Астанада жыл басынан бері 64 адам АИТВ жұқтырған

  АСТАНА. ҚазАқпарат - Астана қаласында жыл басынан бері 64 адам АИТВ жұқтырған, деп хабарлайды ҚазАқпарат тілшісі.

Жалпы елордада індет алғаш тіркелген 1997 жылдан бастап АИТВ-ға 1489 адам шалдыққан, оның 42-сі көз жұмды.  

Бүгін Астанадағы Менеджмент және бизнес колледжінде ЖИТС-тың алдын алу және оған қарсы күрес орталығының мамандары, қаладағы бірнеше колледждердің студенттері мен оқу орнының қызметкерлерінің қатысуымен «Ұмытпаймыз, білеміз, жеңеміз!» акциясы өтті. Бұл акция жыл сайын мамыр айының үшінші жексенбісінде аталып өтілетін Бүкіләлемдік ЖИТС құрбандарын еске алу күніне орай ұйымдастырылған.

ЖИТС орталығы бас дәрігерінің орынбасары Салтанат Мусинаның айтуынша, адамның иммун тапшылығы вирусы (АИТВ) бүгінгі күні тек қана медицина қызметкерлерін ғана емес, бүкіл қоғамды алаңдатып отырған мәселе.

«Қазіргі жастардың осы ауруды жұқтыруы қоғамға қауіп төндіруде. Себебі, жастарымыз аталмыш аурудың жұғу жолдарына мән бермейді. Қазіргі таңда індетке шалдыққандардың 70 пайызы оны жыныстық жолмен жұқтырған. Аурудың алдын алу мақсатында осындай іс-шараларды жиі ұйымдастырудамыз», - деп атап өтті Салтанат Мусина.

Аталмыш дерт өткен ғасырларда өлімге әкелетін сырқат болып саналатын еді, қазіргі таңда АИТВ жұқпасы созылмалы ауру ретінде қаралады. Яғни уақытылы ем-домын қабылдап, салауатты өмір салтын ұстанған жағдайда биологиялық қарттық жасына дейін өмір сүруге мүмкіндік бар.

Шараға сондай-ақ вирусты жұқтырған Андрей есімді науқас қатысты. Ол жастарды сақтыққа шақырды.

«Ауру айтып келмейді. Дегенмен, жастар дауасы жоқ СПИД-тен сақ болыңыздар. Бастысы - жұғу жолдарынан хабардар болыңыздар. Мен өткен өміріме өкінемін. Осы дерттің салдарынан қаншама жандар көз жұмды. Ал мен сіздердің алдарыңызда тұрмын. Өткеніңнен сабақ алсаң, болашағыңды жоспарлауға болады», -  деді ол.

Акцияның соңында концерттік бағдарлама, викториналық сұрақ-жауап  болды. Қатысушылар арасында түрлі ойындар ойнатылып, жеңімпаздарға бағалы сыйлықтар табысталды. Жастарға аурудан сақтану жолдары туралы жазылған ақпаратттық парақшалар таратылды.

Айта кетейік, айлық қарсаңында кез келген азамат нәтижесі 15 минутта белгілі болатын қандағы АИТВ-инфекциясын анықтау бойынша экспресс-тесттен өте алады. 

Астанада жыл басынан бері 64 адам АИТВ жұқтырған

 

 


Басты сөздер: Астана, Медицина,
Бөлісіңіз:

Автор:

Ақбөпе Әбдрасул

Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Кожакелдиев Е.
Кожакелдиев Е.
954-059
Редактор
Жарылқасын Саягүл
Жарылқасын Саягүл
954-059
Мұрағат