Қолданушы баптаулары
Қолданушы баптаулары
+7 (701) 759 90 19 Лента
USD 368.28 EUR 419.21
RUB 5.59 CNY 53.08
Jańalyqtar

Астанада Жетісу өнімдерінің жәрмеңкесі басталды

2018 жылғы 15 қыркүйек 12:07 860
Бөлісіңіз:
Астанада Жетісу өнімдерінің жәрмеңкесі басталды

АСТАНА. ҚазАқпарат - Астанада «Қазақстан» спорт кешені жанында Алматы облысының ауылшаруашылық өнімдері арзан бағамен сатылып жатыр, деп хабарлайды ҚазАқпарат тілшісі.

Ұқсас жаңалықтар
Астанада бір ай бойы әлеуметтік жәрмеңке өтеді Македонияда Астана мемлекеттік қызмет хабының конференциясы өтті

Жалпы көлемі 470 тоннадан асатын Жетісу өнімдері елордада екі күн бойы саудаланбақ.

«Алматы облысының өнімдерін Астана жұртшылығы біледі, асыға күтеді. Бүгін де 470 млн теңге болатын азық-түлікті қырықтан астам автокөлікпен жеткіздік. Бұл тауарлар нарықтағы бағадан 10-25% дейін, кей өнімдер тіпті 33% дейін арзан сатылып жатыр. Біздің аймақта өңдеу өнеркәсібі де жақсы дамыған. Бүгінгі базарда «Алматы боттлерс», «Алма био», «Сарыбұлақ», «Алатау құс» сынды танымал маркалар бар», - деді Алматы облыстық ауыл шаруашылығы басқармасының басшысы Сексембай Бекішов журналистерге берген сұхбатында.

Астанада Жетісу өнімдерінің жәрмеңкесі басталды  

Басқарма басшысының хабарлауынша, биыл жеткізілген өнім көлемі 110 тоннаға артық және өнім түрі 48-ге көбейді. Оның ішінде көкөніс 160,1 тонна, ет өнімдері - 21,8 тонна, сүт өнімдері - 13,7 тонна, жеміс-жидек - 35,9 тонна, картоп - 41,9 тонна, балық өнімдері - 11,7 тонна және өзге өнімдер 175 тоннаны құрап отыр.

Астанада Жетісу өнімдерінің жәрмеңкесі басталды 
Астанада Жетісу өнімдерінің жәрмеңкесі басталды 

«Алматы облысында қауын-қарбызға дейін жеміс-жидектің барлық түрі өседі. Бүгінгі жәрмеңкеге облыстағы 17 аудан, Талдықорған, Текелі, Қапшағай қалалары мен «Жетісу»  ӘКК шаруалары тұтас атсалысуда. Өңірімізден шыққан тауарлар апта сайын Алматы қаласында сатылады. Онда қарбызға арналған, қауын, жүзімге арналған жәрмеңкелер өтеді. Алдағы уақытта пияз жәрмеңкесін ұйымдастырамыз. Бұл бағаның тұрақтануына, халықтың қысқа қамдануына септігін тигізеді», - деп өз сөзін толықтырды С. Бекішов.

 


Астанада Жетісу өнімдерінің жәрмеңкесі басталды 

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT