Астанада жаңадан ашылған алаңда домбыра кеші өтеді

АСТАНА. ҚазАқпарат - Астанада көше шығармашылығы үшін жаңа лаң ашылады, деп хабарлайды ҚазАқпарат елордадағы Сарыарқа ауданының әкімі Арман Тұрлыбекке сілтеме жасап.

«Достар, сіздерге көше шығармашылығы үшін біздің ауданның аумағынан тағы бір алаңның ашылғаны туралы жаңалықты қуанышпен хабарлаймыз. Өздеріңіз білетіндей, шілдеде Жеңіс/Бөгенбай көшелерінде амфитеатры бар «Ақжайық» саябағы ашылды! Музыкалық академияның ректоры Айман Мұсаходжаеваның қолдауымен бұл саябақтың музыкалық өмірі басталмақ. Бүгін, 28 шілдеде музыкалық академия студенттері қала тұрғындары мен қонақтарын естен кетпес «Домбыра» кешінде күтеді. Ұлттық аспап әуесқойлары мен қадірлеушілері домбыра үнін тыңдай алады. Елбасымыз Нұрсұлтан Әбішұлы Назарбаев айтқандай, «Домбыра - қазақтың жаны». Концерт сағат 19.00-де басталады», - деп жазды Арман Тұрлыбек Фейсбуктегі парақшасына.

Фото: bko.gov.kz