Астанада тұтқындарды азаптады деген күдікпен ҰҚҚ қызметкерлері қамауға алынды

АСТАНА. ҚазАқпарат – Астанадағы тергеу изоляторында тұтқындарды азаптады деген күдікке ілінген ҰҚҚ қызметкерлері екі айға қамауға алынды, деп хабарлайды ҚазАқпарат Астана сотының баспасөз қызметіне сілтеме жасап.

Астана қаласы Мамандандырылған ауданаралық тергеу сотының мәліметінше, 25 қаңтарда Астана қаласының мамандандырылған ауданаралық тергеу соты күдікті подполковник Еркін Аманов, майор Хамит Абдуғали, ҰҚҚ Шекара қызметінің қызметкері, капитан К.Б.Сартаевтқа қатысты екі ай мерзімге қамауға алу түріндегі бұлтартпау шарасын бекітті.Сотқа дейінгі тергеп-тексерудің өзге деректері ҚР ҚП кодексінің 201-бабына сәйкес жария етілмейді.