Астанада тәуелсіздік күніне орай 4 күн бойы азық-түлік жәрмеңкесі өтеді

НҰР-СҰЛТАН. ҚазАқпарат - Тәуелсіздік күніне орай 14-17 желтоқсан аралығында Нұр-Сұлтанда ауыл шаруашылық өнімдерінің жәрмеңкесі өтеді, деп хабарлайды ҚазАқпарат қала әкімдігінің ресми сайтына сілтеме жасап.

Жәрмеңкеде оңтүстік аймақтардан - жеміс-көкөніс, Қарағанды, Ақмола облыстарынан - сүт өнімдері, сиыр, жылқы және құс еті, Шығыс Қазақстан облысынан - балық өнімдері және Павлодар облысынан - картоп өндірушілер бағасымен сатылады.

Қысқы жәрмеңкелер «Ұлжан», «Көк базар», «Шапағат» базарлары, Сауран көшесі, 7 мекен-жайында және «Смолл», «Магнум Cash және Carry» супермаркеттерінде өтеді.

Естеріңізге салсақ, 2019 жылдың 23 қарашасынан бастап қыстың соңына дейін апта сайын әр сенбі және жексенбі күндері Ш.Уәлиханов және Ағыбай батыр көшелерінің қиылысындағы «Зейд» сауда үйінде, сондай-ақ Қошқарбаев, 37 мекенжайында орналасқан «Аспан Базар» сауда орталығында ауылшаруашылық жәрмеңкелері өтіп жүр.