Астанада «Сарайшық: ұлы қала тарихы» атты халықаралық ғылыми конференция өтеді

АСТАНА. ҚазАқпарат - Биылғы жылдың 3 сәуірінде Қазақ ғылыми-зерттеу мәдениет институты Қазақстан Республикасы Мәдениет және спорт министрлігінің қолдауымен Астанада «Сарайшық: ұлы қала тарихы» ғылыми конференциясын ұйымдастырады.

Мәдениет және спорт министрлігі таратқан ақпараттарға қарағанда, конференция барысында Сарайшық қалашығын қалпына келтіру мен қорғау мәселесіне назар аудару мақсатымен бұрын жүргізілген ғылыми зерттеулер талқыланады.

Конференция зерттеу және қорғау мәселелері, туристік инфрақұрылым жасау сияқты 3 бөлім бойынша ұйымдастырылады.

Конференция қорытындысы бойынша ғылыми мақалалар жинағы шығарылады.