Астанада сапасыз медициналық қызмет көрсеткендерден 1,7 млрд теңге өндірілген

None
АСТАНА. ҚазАқпарат – Жыл басынан бері халыққа көрсетілген медициналық қызметтердің сапасы мен көлеміне жүргізілген мониторинг нәтижесінде 366 029 кемшілік анықталып, 1 млрд 737 млн теңге өндірілді. Мұны бүгін елордада БАҚ өкілдерінің қатысуымен өткен брифингіде «Әлеуметтік медициналық сақтандыру қоры» КЕАҚ Астана қалалық филиалының директоры Нұрлыбек Қабдықапаров айтты, деп хабарлайды ҚазАқпарат тілшісі.

«Халыққа көрсетілген медициналық қызметтердің сапасы мен көлеміне мониторинг жүргізу жалғасып жатыр. Астана қаласы бойынша биылғы 10 айда көрсетілген медициналық қызмет сапасы мен көлеміне жүргізілген түрлі мониторингілер аясында 366 029 кемшілік анықталып, 1 млрд 737 млн 298 мың теңге өндірілді.

Ал, мониторинг нәтижесінде міндетті әлеуметтік медициналық сақтандыру жүйесінде 359 820 кемшілік анықталып, 1 млрд 105 млн 426 мың теңге қаражат өндірілді», - деп атап өтті Нұрлыбек Қабдықапаров.

Қоса кетейік, бұған дейін МӘМС жүйесінде елордалықтардың 82 пайызы сақтандырылғанын хабарлап едік. Сондай-ақ, Астана тұрғындары 5 жылда МӘМС жүйесіне 157,8 млрд теңге аударған.


Соңғы жаңалықтар