Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Астанада мұздан жасалған ең үздік мүсіндердің халықаралық байқауы басталды

2019 жылғы 13 қаңтар 21:09 727
Бөлісіңіз:
Астанада мұздан жасалған ең үздік мүсіндердің халықаралық байқауы басталды

АСТАНА. ҚазАқпарат - Астанада мұздан жасалған үздік мүсіндердің халықаралық байқауы өтуде, деп хабарлайды ҚазАқпарат.

Елорда әкімдігінің ресми сайтында мәлім етілгендей, халықаралық конкурстың ашылуы бүгін Ботаникалық бақтың аумағында өтті.

Мақсат - суретшілерге шығармашылық тәжірибе алмасуға жағдай жасау, қала тұрғындары мен қонақтарының бос уақытын тиімді ұйымдастыру, Астананың имиджін мәдени туризм орталығы ретінде қалыптастыру.

«Мұзды мүсіндер «Мың бір түн» тақырыбында Есіл өзенінен ойылып алынған мұздардан жасалады. Қыс маусымының соңына дейін қандай мүсіндер соғылатыны біз үшін де жұмбақ. Олар Ботаникалық бақ келушілерін қуантатын болады», - деді Есіл ауданы әкімінің әлеуметтік мәселелер жөніндегі орынбасары Нұрлан Омаров.


Астанада мұздан жасалған ең үздік мүсіндердің халықаралық байқауы басталды
Байқауға Қазақстан, Ресей және Қытай елдерінен 6 команда қатысуда. Қазақстандық команда Ақтөбе, Қарағанды, Маңғыстау, Батыс Қазақстан, Шығыс Қазақстан, Қызылорда, Қостанай, Ақмола және Алматы облыстарының мүсіншілерінен құралған. Ал Астана қаласының атынан бірден 4 команда қатысуда. Әр команда қазылар алқасына бір мүсінді таныстыратын болады. Жеңімпаздар 16 қаңтар  күні белгілі болады.

«Гран-при және жүлделі орындарға ие болғандар кубоктармен, дипломдармен және ақшалай сертификаттармен марапатталады.  Басқа қатысушылар да назардан тыс қалмайды», - дейді ұйымдастырушылар.

 

 

Біздің каналымызға жазылыңыз:

Басты сөздер: Нұр-Сұлтан, Әкімдік, Өнер,
Бөлісіңіз:
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT