Астанада Мемлекеттік рәміздер мәселелері жөніндегі республикалық комиссияның отырысы өтті
Комиссия жұмысына Парламент депутаттары, орталық және жергілікті атқарушы органдардың басшылары, белгілі қоғам қайраткерлері мен ғалымдар қатысты. Жиында сөз сөйлеген ҚР Ақпарат және коммуникациялар министрі Дәурен Абаев Мемлекеттік рәміздерді насихаттауға байланысты атқарылып жатқан ақпараттандыру жұмысы туралы баяндап берді.
Отырыс барысында сондай-ақ, Астана қаласы әкімінің орынбасары Ермек Аманшаевтың, Қызылорда облысының әкімі Қырымбек Көшербаев пен Ақтөбе облысының әкімі Бердібек Сапарбаевтың Мемлекеттік рәміздерді пайдалану, қолдану және насихаттау жөніндегі есептері тыңдалды.
Сондай-ақ, Қазақстан Республикасының Мемлекеттік рәміздері саласындағы нормативтік-құқықтық акітлерін жетілдіру мәселелері қаралды.
Комиссия жұмысының қорытындысы бойынша ҚР Мемлекеттік хатшысы Гүлшара Әбдіқалықова мемлекеттік органдардың басшыларына Мемлекеттік рәміздерді пайдалану және насихаттау мәселелері, сонымен қатар осы саладағы заңнамаларды сақтау жөнінде бірқатар нақты тапсырмалар берді.