USD 435.1 EUR 493.27
RUB 5.69 CNY 68.63
Jańalyqtar

Астанада күрделі жөндеу жүргізілетін үйлер бойынша бағдарлама әзірленді

2021 жылғы 26 қараша 16:31
Бөлісіңіз:
Астанада күрделі жөндеу жүргізілетін үйлер бойынша бағдарлама әзірленді

НҰР-СҰЛТАН. ҚазАқпарат - Мемлекет басшысының Жолдауын іске асыру және елорданың тұрғын үй қорын сақтау бойынша қосымша тетіктерді енгізу мақсатында ішінара күрделі жөндеу жүргізуді талап ететін үйлердің тізілімін құру бойынша «Elorda Korshiler» қалалық бағдарламасы әзірленді, деп хабарлайды Нұр-Сұлтан әкімдігінің ресми сайты.

Ұқсас жаңалықтар
СҚО әкімі «Копай» ауданының қашан сүрілетінін айтты Қаражалда 12 медицина қызметкеріне пәтер кілті табысталды Байзақтағы жарылыстан қираған мектептің жаңа ғимараты пайдалануға берілді – Жамбыл облысы

Мүлік иелерінің өтініштері мен шағымдарын талдау қазіргі уақытта елордада азаматтардың әлеуметтік осал санатындағы адамдар тұратын 1020-ға жуық тұрғын үй немесе 7-10 жыл бұрын қабылданған қызмет көрсету тарифі шаршы метрі 50 теңгеден төмен үйлер бар екенін анықтады.

Көбінесе мұндай үйлер шатырды, қасбетті, жылу қондырғыларын, инженерлік жүйелерді, терезелерді жөндеуге инвестицияларды қажет етеді.

«Elorda Korshiler» бағдарламасы бойынша өтінімдерді қабылдауды объектіде басқарудың жаңа нысаны тіркелген жағдайда, мүліктің меншік иелерінен ғана, сондай-ақ мынадай төрт көрсеткіш бойынша жүргізу ұсынылады:

- шатырды қалпына келтіру;

- қасбеттерді қалпына келтіру;

- инженерлік жүйелерді қалпына келтіру;

- энергия тиімділігін арттыру, абаттандыру.

Бағдарлама қалалық әкімдікке мүлік иелерінің өздерінен тұрғын үй қорының нақты және маңызды қажеттіліктерін білуге мүмкіндік береді. Бұдан басқа, жалпы үй мүлкінің жай-күйі мәселелеріне азаматтар тарапынан жауапкершілік пен мүдделілік артады.
Бірыңғай тізілім тұрғын үйді пайдалануға беру жылына қарамастан, мүліктің барлық меншік иелерінің өтініштері негізінде қалыптастырылады.

«Elorda Korshiler» бағдарламасы бірнеше кезеңмен жүзеге асырылады. Олардың біріншісі-жөндеуді қажет ететін үйдің бөліктері көрсетілген тұрғын үй иелерінен өтінімдерді қабылдау және жинау.

Тізілім қалыптасқаннан кейін бағдарламаны іске асыру шеңберінде жұмыс тобы бекітіледі, ол өлшемшарттарды, жұмыстардың болжамды құнын және материалдарға арналған шығындарды айқындайды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT