Астанада Корей мәдени апталығы өтіп жатыр
«Корей мәдениетінің апталығы» аясында Қазақстан халықаралық лингвистикалық колледж (KILC) ұйымымен бірге өткізілген шараға шамамен 100-ге жуық адам қатысты. Бағдарламада «чогачип» қолөнерін (төбесі сабан үй) жасау бойынша мастер-класс, «Кальмар ойыны» сериясынан «талгонапопги» ойыны, «тухо» корей дәстүрлі ойыны, сонымен қатар студенттік K-Pop клубымен бірге K-Pop музыкалық жанрында туындылар қойылды.
«Мен осы мерекеде көптеген адамдардың Корея мен корей мәдениетін, өнерін жақсы көретіндерін қатты сезіндім. Қазіргі кезде Қазақстан Корея арасындағы қарым-қатынас кеңейіп, дамып келеді. Биыл екі ел арасындағы дипломатиялық байланыс орнағанына 30 жыл толды. Осы ретте біздің орталық Корея мен Қазақстан азаматтары арасындағы мәдени байланыстың алтын көпірі болып келе жатқанын айтқым келеді», - деді Корей орталығының директоры Ли Херан.
