+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

Астанада Көпбалалы аналар қауымдастығы құрылмақ

2019 жылғы 14 ақпан 13:40
Бөлісіңіз:
Астанада Көпбалалы аналар қауымдастығы құрылмақ

АСТАНА. ҚазАқпарат - Астана қаласының Қоғамдық кеңесі елордада Көпбалалы аналар қауымдастығын құруды көздеп отыр, деп хабарлайды ҚазАқпарат тілшісі.

«Біз қазіргі уақытта Көпбалалы аналар қауымдастығын құруды көздеп отырмыз. Ол қауымдастыққа белсенділер енсе дейміз. Осылайша, белсенділермен бірге көпбалалы отбасылардың мәселелерін шешуді ойластырудамыз. Менің ойымша, бұл дұрыс қадам. Жуық арада біз қауымдастықты құру туралы жұмысты аяғына дейін жеткіземіз», - деді Астана қаласы Қоғамдық кеңесінің төрағасы Сансызбай Есілов елорда әкімдігінде өткен жиында.

Еске сала кетсек, бұған дейін Астана қаласы Қоғамдық кеңесінің төрағасы Сансызбай Есілов елордадағы көпбалалы отбасылардың мәселесі туралы сөз қозғап, олардың баспана мәселесін жеке-жеке кезек бойынша шешу керектігін мәлім еткен еді.

«Мемлекет бұл мәселеге бет бұрар деген ойдамын. Қазіргі уақытта Үкімет жұмыс тобын құрып, аталмыш мәселені шешуді көздеп отыр. Көпбалалы отбасылардың ең алдымен баспана мәселесін шешу керектігі туралы бастаманы 100 пайыз қолдаймыз. Себебі, бұл отбасылар күрделі материалдық жағдайымен қоса баспананы жалдап тұруға мәжбүр. 50-100 мың теңгеге кішкене ғана бөлме жалдап тұрады. Сол себепті, көпбалалы отбасылардың ең алдымен баспана мәселесін шешу керек. Жетім балалар, соғыс ардагерлері сияқты көпбалалы отбасылардың да баспана бойынша жеке кезегі болуы тиіс. Себебі, қазіргі уақытта елордадағы баспана бойынша ортақ кезекте 46 мыңға жуық адам тұр», - дейді Сансызбай Есілов.

Біздің каналымызға жазылыңыз:

Басты сөздер: Қоғам, Әлеуметтік қолдау,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT