Астанада кезекті азық-түлік жәрмеңкесі өтіп жатыр

АСТАНА. ҚазАқпарат - Елордада ауыл шаруашылығы жәрмеңкелерінің маусымы жалғасып жатыр. Онда қала тұрғындары азық-түлікті нарық бағасынан төмен бағада сатып ала алады. Бұл жолы тауарларды Шығыс Қазақстан және Абай облыстарының өндірушілері әкелді, деп хабарлайды ҚазАқпарат әкімдіктің ресми сайтына сілтеме жасап.

Жәрмеңке «Астана-Арена» стадионының жанындағы алаңда өтеді. Мұнда өңірлерден келген өндірушілер 70-тен астам өнім түрлерін ұсынған.

Елордадағы жәрмеңкеге барлығы 282 тонна азық-түлік әкелінді.

Бұл қала тұрғындарына қолайлы бағамен картоп пен көкөніс, ет, балық, құс еті, шұжық өнімдері, бал, күнбағыс майы, бақша дақылдары, сүт өнімдері, қымыз және панта өнімдерін сатып алуға мүмкіндік береді.

Жәрмеңкеде ұлттық тағамдар да бар.

«Маған мұндай жәрмеңкелер ұнайды. Мұнда әрқашан жаңа өнімдер бодады, ал сатушылардың өздері өте сыпайы және мейірімді. Өзім ШҚО тумасымын. Сондықтан, бүгін өз өңірімнен тауар сатып алғаныма өте қуаныштымын», - дейді елорда тұрғыны Әсемгүл Оспанова.

Айта кету керек, жәрмеңкеге келушілердің азық-түлік қауіпсіздігі үшін алаңдамауына болады.

Барлық тауар өндірушілерде сатылатын өнімнің шығу тегі мен тиісті сапасын растайтын құжаттар бар.

Сауда жасаудан бөлек, ауылшаруашылық жәрмеңкесінің қонақтары концерттік бағдарламаны тамашалай алады. Көбісі балалармен бірге келеді.

«Демалыс күндерін біз әдетте отбасымызбен өткіземіз. Бүгінгі күн де солай өтті. Жәрмеңкеге әйелім мен қызым үшеуміз келдік. Жалпы, мұндағы атмосфера ұнайды. Біз азық-түлікті арзан бағамен сатып алдық, ал қызым жүгіріп, таза ауада биледі. Барлығымыз риза болып қайтып барамыз, осындай іс - шараны ұйымдастырғаны үшін рахмет», - деп өз әсерін бөлісті Нұрбол Әлімжан.

Естеріңізге сала кетейік, келесі демалыс күндері, 8-9 қазанда жәрмеңкеде Солтүстік Қазақстан және Ақтөбе облыстарының кәсіпкерлері өз өнімдерін ұсынады.

Фото: gov.kz