Астанада Қазақстан-Мысыр бизнес-форумы өтеді
Бұл туралы ҚР Сыртқы істер министрлігінің ресми өкілі Айбек Смадияров Астана өткен апталық брифингте мәлімдеді.
Аталған шара 1992 жылы 6 наурызда бастау алған Қазақстан мен Мысыр арасындағы дипломатиялық қатынастардың орнағанына 27 жылдық мерейтойына сәйкес келеді. Оған сауда, құрылыс, агроөнеркәсіптік кешен және басқа да салаларда қызмет көрсететін 20-дан астам мысыр компаниялардың басшылары қатысады.
«Мысыр делегациясын Сауда және өнеркәсіп министрінің бірінші орынбасары Таха Борайе басқарады. Форумда сауда-экономикалық және инвестициялық ынтымақтастық мәселелері талқыланады. Іс-шараның негізгі мақсаты - екі елдің кәсіпкерлері арасында экономиканың түрлі салаларында тікелей байланыстарды орнату, бірлескен кәсіпорындарды құру, сондай-ақ бірлескен перспективалық жобаларға инвестиция тарту», - деді ҚР СІМ ресми өкілі.
2018 жылы Мысырмен екіжақты сауда көлемі 84 млн АҚШ долларын құрады, оның ішінде Қазақстаннан экспорт 16,6 млн долларға, ал Мысырдан импорт 67,2 млн долларға жеткен.