+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Астанада қазақ әліпбиінің латынша нұсқасы таныстырылды

2013 жылғы 22 сәуір 13:41
Бөлісіңіз:

АСТАНА. 22 сәуір. ҚазАқпарат - Бүгін Астанада «Түркі мемлекеттерінің латын графикасына көшу тәжірибесі және әліпби реформасының қазақстандық жолы» тақырыбында ғылыми семинар өтті.

Семинарда А. Байтұрсынұлы атындағы Тіл білімі институтының жетекші ғылыми қызметкері, филология ғылымдарының докторы, профессор Жүнісбек Әлімхан, Л.Н. Гумилев атындағы Еуразия ұлттық университеті жанындағы «Жасанды зерде» ғылыми-зерттеу институтының директоры, техника ғылымдарының докторы, профессор Алтынбек Шәріпбай және басқа да ғалымдар баяндама жасап, ортақ латын әліпбиін түркі тілдеріне енгізу мен пайдаланудың өзекті мәселелерін нақтылау мен шешу жолдарын қарастыру бойынша өз ойларын ортаға салды.

«Классикалық латын әліпбиінде 26 таңба, ал қазіргі қазақ әліпбиінде 42 әріп бар. Олардың барлығын белгілеу үшін біз классикалық латын әліпбиіне қосымша таңбалар қосуға мәжбүрміз. Техниканың күн сайын жаңарып отырған мына заманында ондай қосымша таңбаларды әрбір компьютерге, әрбір ұялы телефонға енгізу қыруар қаражатты қажет етеді. Сондықтан біз әліпбиімізді қазақ тілінің негізгі заңдылықтарына зиян келтірмейтіндей етіп, барынша ширата түсуіміз қажет»,- деген профессор А. Шәріпбай, өзі басқаратын институт әзірлеп шығарған жобаны ұсынды.

Семинар жұмысына ҚР Парламенті Сенатының депутаттары, ҚР Білім және ғылым министрлігінің өкілдері, Түркітілдес мемлекеттердің ресми өкілдері мен ғалымдары қатысты. Шараны Халықаралық түркі академиясы ұйымдастырып отыр.

Біздің каналымызға жазылыңыз:

Басты сөздер: Нұр-Сұлтан, Қоғам,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT