Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Астанада каратэдан Әлем чемпионаты өтеді

2019 жылғы 17 наурыз 12:08 822
Бөлісіңіз:
Астанада каратэдан Әлем чемпионаты өтеді

 АСТАНА. ҚазАқпарат - Астанада Қазақстанның жауынгерлік өнер қауымдастығының I конгресі басталды, деп хабарлайды ҚазАқпарат тілшісі.

Айта кеткен жөн, аталған ұйым өткен жылы құрылған болатын. Оның құрамына олимпиадалық емес спорт түрлері бойынша 20 федерация кіреді. Қауымдастық төрт бағытта жұмыс істейді. Соның ішінде каратэ, күрес, толық контактылы спорт түрлері және ММА аралас жекпе-жектері бар. Ұйымды ҚР ҰҚК төрағасы Кәрім Мәсімов басқарады. Аймақтық филиалдар 14 облыста, Астана, Алматы мен Шымкент қалаларында ашылған.

«Қауымдастық жауынгерлік өнердің құндылықтарын насихаттап, спорттың дамуына, спорт саласындағы мамандарды даярлауға ықпал ететін болады. Аталған ұйым Қазақстандағы жауынгерлік өнердің басты органына айналады. Бүгінде еліміздің барлық аймақтарында филиалдар ашылып отыр», - деді К.Мәсімов бүгінгі конгресте.

Астанада каратэдан Әлем чемпионаты өтеді 

Оның айтуынша, олимпиадалық емес спорт түрлерін біріктірудің арқасында бірқатар нақты шаралар да атқарылды. «Қауымдастықты құрғаннан кейін бізге KWU аталымы бойынша каратэ киокушинкайдан Әлем чемпионатын өткізуге ұсыныс түсті. Аталған шара ағымдағы жылы желтоқсан айында өтеді деген жоспар бар»,- деп атап көрсетті ол.

Астанада каратэдан Әлем чемпионаты өтеді 

Конгреске ҚР Ақпарат және қоғамдық даму министрі Дәурен Абаев, ҚР Мәдениет және спорт министрі Арыстанбек Мұхамедиұлы, ҚР Қорғаныс министрі Нұрлан Ермекбаев, сондай-ақ шетелден келген қонақтар қатысуда. Шара барысында министрліктер екіжақты келісімдерді рәсімдейді. Ал секциялық отырыстарда спорт саласының өзекті мәселелері талқыланады.


Астанада каратэдан Әлем чемпионаты өтеді 


Астанада каратэдан Әлем чемпионаты өтеді 
Астанада каратэдан Әлем чемпионаты өтеді 
Астанада каратэдан Әлем чемпионаты өтеді 

Біздің каналымызға жазылыңыз:

Басты сөздер: Астана, Спорт,
Бөлісіңіз:

Автор:

Арман Асқаров

Загрузка...
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059
MURAǴAT