Астанада «Хайвилл Қазақстан» кеңсе ғимараты жанып жатыр

АСТАНА. ҚазАқпарат - Астанада «Хайвилл Қазақстан» кеңселік ғимараты жанып жатыр. Бұл туралы ҚР Ішкі істер министрлігі Төтенше жағдайлар комитетінің ресми өкілі Нұрсұлтан Нұрахметов мәлім етті, деп хабарлайды ҚазАқпарат.

«13 ақпан күні сағат 21.11-де Астананың өртке қарсы қызметінің номеріне Сарыарқа көшесінде орналасқан «Хайвилл Қазақстан» кеңселік ғимаратында шыққан өрт туралы хабар түсті. Өртті сөндіруге Астана қалалық Төтенше жағдайлар департаментінің жеке құрамының 65 адамы мен 16 техникасы жұмылдырылды. Алдын ала ақпарат бойынша, қаза болғандар мен зардап шеккендер жоқ», - деді Н.Нұрахметов.