08:33, 09 Мамыр 2022 | GMT +6
Астанада футзалдан «Yeleu Cup» халықаралық турнирі аяқталды
НҰР-СҰЛТАН. ҚазАқпарат – Ресейлік команда елордада өткен «Yeleu Cup» халықаралық турнирінің жеңімпазы болды, деп хабарлайды ҚазАқпарат.
Футзалдан әуесқой және кәсіпқой командалар қатысатын жарыс 2002 жылдан бастап ұйымдастырылып келеді.
Турнир Нұр-Сұлтан қаласында 5 - 8 мамыр аралығында өтті. Оған Қазақстан және көршілес елдерден 16 команда қатысты.
ҚР футбол федерациясынан мәлім еткендей, мерейтойлы турнирде Ресейдің «Макушино» командасы топ жарды. Олар финалда елордалық «Сайран» командасын 1:0 есебімен ұтты.
Шараның салтанатты жабылу рәсіміне Қазақстан футбол федерациясының Президенті Әділет Барменқұлов қатысты.