Астанада этноүлгідегі киімдердің халықаралық марафоны өтеді
Шара ұйымдастырушысы - Астана қалалық Қазақстан халқы Ассамблеясының мәліметінше, марафон мақсаты - этноүлгі бағытында жұмыс істейтін дизайнерлердің басын біріктіру.
II Халықаралық этникалық сән марафонына жас дизайнерлер, құрылымдаушы-сәнгер мамандығы бойынша білім алып жатқан жоғары және кәсіби техникалық оқу орындарындағы студенттер, этномәдени бірлестіктер мен бизнес өкілдері, сондай-ақ кез келген қызығушылық танытқан азаматтар қатыса алады.
Сәндік марафон аясында бірегей қолөнер бұйымдарының көрмесі мен қолөнершілердің шеберлік сабақтары өткізіледі.
Атап өтілгендей, ұлттық киімдер көрсетілімі екі топқа бөлінген: күнделікті және сахналық. Дизайнерлерге өз туындыларын таныстыруға 10 минут беріледі.
Марафон жеңімпаздары бағалы жүлделермен және дипломдармен марапатталады.