+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Астанада есігін жауып алып жұмыс істейтін кафе-барлар азаймай отыр

2021 жылғы 30 шілде 15:21
Бөлісіңіз:
Астанада есігін жауып алып жұмыс істейтін кафе-барлар азаймай отыр

НҰР-СҰЛТАН. ҚазАқпарат - Елорданың мониторинг топтары тәулік бойы күшейтілген режимде жұмысын жалғастырып жатыр. Күн сайын олар қаланың 100-ден астам мекемесі мен сауда нысандарында шектеу шараларының сақталуын тексереді, деп хабарлайды ҚазАқпарат қала әкімдігінің ресми сайтына сілтеме жасап.

Мәселен, өткен тәулікте 8 кәсіпкерлік нысанның карантин талаптарын бұзғаны анықталды.

Есіл ауданында «Chechil Pub» барында, «Чир-Chic», «Veranda» мейрамханаларында жұмыс тәртібі сақталмаған. Сондай-ақ, «Аlanya» караоке-мейрамханасы есіктерін жауып жұмыс істеген.

Сарыарқа ауданында карантин талаптарын бұзғандар тізімінде «K-RIMA» дәмді палау орталығы, «Пей здесь» лаундж-бары бар.

Белгіленген уақыттан кейін Алматы ауданында орналасқан «Еда мира» кафесіне, «Пар house», «Parilkino» сауналарында келушілерді қабылдаған.

Тәртіп бұзушыларға қатысты жиналған материалдар тиісті шаралар қабылдау үшін аудандық санитарлық-эпидемиологиялық бақылау басқармасына тапсырылды.

Естеріңізге сала кетейік, елордадағы эпидемиологиялық ахуал тұрақсыз.

Күн сайын қалада КВИ ауруының 1300-ден астам жаңа жағдайы анықталып жатыр, аурудың орташа және ауыр ағымы бар 300-ге жуық пациент инфекциялық стационарларға түсуде.

Осыған байланысты мамандар Нұр-Сұлтан қаласының тұрғындары мен қонақтарын, сондай-ақ кәсіпкерлік нысандарын санитарлық нормалар мен карантин талаптарын қатаң сақтауды сұрайды.

Айта кету керек, инфекцияның өсуін тоқтатудың жалғыз тиімді әдісі – екпе егу арқылы ұжымдық иммунитетті қалыптастыру.

Ол үшін вакцинаны халықтың 60%-дан астамы алуы тиіс.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT