Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Астанада ерекше жүйемен жұмыс істейтін бағдаршамдар орнатылады

2018 жылғы 13 шілде 18:27 77
Бөлісіңіз:
Астанада ерекше жүйемен жұмыс істейтін бағдаршамдар орнатылады

АСТАНА. ҚазАқпарат - Осыған дейін сынақтан өткен ерекше бағдаршамдар енді қала бойынша бірнеше ауданда орнатылады. Бұл туралы Астана қаласының жолаушылар көлігі және жол-көлік инфрақұрылымы басқармасының жетекшісі Асхат Қарағойшин айтты, деп хабарлайды ҚазАқпарат тілшісі.

Ұқсас жаңалықтар
Астанаға көмірдің 555 тоннасы жеткізілді Студент қыз «Астана аруы - 2018» атанды

«Қала әкімінің тапсырмасы бойынша осыдан екі ай бұрын, көшелерге екі жаңа бағдаршам орнатылған болатын. Олар бүгінде сынақтан өтті. Енді қала бойынша одан әрі орнатуды жоспарлаудамыз. Біз үшін бағдаршамдардың басты маңызы қауіпсіздікті қамтамасыз етуі. Аталған бағдаршамның ерекшелігі күндіз де, түнде де алыстан көрінетін жарық диодтары жанып тұрады, оны байқамау мүмкін емес. Ең басты нәтиже жол-көлік оқиғалары азайды, жаяу жүргіншілер де еркін жүріп-тұрады», - деді Асхат Қарағойшин.

Астанада ерекше жүйемен жұмыс істейтін бағдаршамдар орнатылады

Оның айтуынша, қала бойынша жол-көлік оқиғасы жиі болатын қауіпті аймақтарға тағы да 11 бағдаршам орнату жоспарлануда.

Сонымен қатар басқарма басшысы Республика даңғылына орнатылған ерекше бағдаршамды сынақтан өткізу кезінде ол жерде бірде бір жол-көлік ережесін бұзу оқиғасының болмағанын айтты. Және де ерекше бағдаршамның кәдімгі бағдаршамнан қымбатырақ болғанымен өте тиімді екенін де тілге тиек етті.

Айта кетейік, бұрынырақ Республика даңғылында пилоттық жоба ретінде тірек арқылы визуалды жарық беретін бағдаршам орнатылғаны туралы айтылған болатын. Аталған бағдаршамдар Мәскеу, Киев, Дубай секілді әлемнің басқа да ірі қалаларында қолданылады.


Астанада ерекше жүйемен жұмыс істейтін бағдаршамдар орнатылады

 

 

 

Біздің каналымызға жазылыңыз:

Басты сөздер: Астана, Көлік, Қоғам,
Бөлісіңіз:

Автор:

Дәулет Ізтілеу

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT