Астанада бос жұмыс орындары жәрмеңкесі өтеді

None
None
НҰР-СҰЛТАН. ҚазАқпарат - Елордада 80-нен астам жұмыс беруші 1 мыңнан астам бос жұмыс орнын ұсынады, деп хабарлайды ҚазАқпарат әкімдікке сілтеме жасап.

22 мамырда сағат 10:00-ден 13:00-ге дейін Халықты жұмыспен қамту орталығы «Жастар» сарайында жалпықалалық бос орындар жәрмеңкесін өткізеді.

Бос жұмыс орындары жәрмеңкесі өз алаңында елорданың 80-нен астам жұмыс берушісінің басын қосады. Олар 1 мыңнан астам бос жұмыс орнын ұсынбақ.

Жәрмеңкеге келушілер жұмыс берушілермен алдын ала әңгімелесуден өтіп, түйіндемесін қалдыра алады. Оқу орындарының түлектері үшін жастар практикасынан өту, сондай-ақ халықтың нысаналы топтарының тұлғаларына әлеуметтік жұмыс орындары мәселесі бойынша ақпарат алу мүмкіндігі ұсынылады.

Сонымен қатар, ниет білдірушілер жұмыспен қамту орталығының мамандарынан қажетті мамандықтар бойынша қысқа мерзімді кәсіптік оқудан өту мәселелері бойынша кеңес ала алады.

Соңғы жаңалықтар