Валюта бағамдары:
    usd/kzt 476.18 eur/kzt 485.56

    rub/kzt 7.76 cny/kzt 70.34
Ауа райы:
Нұр-Сұлтан: 1 °С
Алматы: 15 °С

Астанада бірқатар мектепке танымал тұлғалардың есімі беріледі

2022 жылғы 15 маусым 13:24

НҰР-СҰЛТАН. ҚазАқпарат – Нұр-Сұлтан қаласындағы бірқатар білім беру ошағына елімізге кеңінен танымал тұлғалардың есімін беру мәселесі қалалық мәслихаттың отырысында қаралды, деп хабарлайды ҚазАқпарат тілшісі.

«Биыл 28 сәуірде қалалық ономастика комиссиясының кезекті отырысы өтті. Сол жерде елорданың бірқатар білім мекемесіне атау беру мәселесі талқыланды. Атап айтқанда №1 қалалық мектеп лицейге Кеңес Одағының екі мәрте батыры Талғат Бигелдиновтің есімін беру, №70 мектеп лицейге көрнекті мемлекет және қоғам қайраткері Темірбек Жүргеновтің есімін беру, №92 мектеп лицейге геология-минерология ғылымының докторы, профессор, Қазақстан ғылым академиясының алғашқы құрылтайшыларының бірі Ақжан Әл-Машанидің есімін беру, №65 мектеп гимназияға ақын, жазушы Мағжан Жұмабаевтың есімін беру, №88 мектеп лицейге белгілі ақын Қадыр Мырза Әлінің есімін беруді және №1 өнер мектебіне белгілі күйші Тәттімбет Қазанғапұлының есімін беруді сіздердің назарыңызға ұсынып отырмыз», - деді Нұр-Сұлтан қаласы тілдерді дамыту және архив ісі басқармасының басшысы Сәкен Есіркеп мәслихат отырысында жасаған баяндамасында.

Сондай-ақ, басқарма басшысы қалалық мәслихат депутаттарынан аталған ұсынысты қолдауын сұрады.

«Бұл жоба Қазақстан Республикасының қолданыстағы заңнамаларына қайшы келмейді. Сол сияқты нормативтік-құқықтық актілерге қойылатын талаптарды бұзбайды», - дейді ол.


Автор:

Дәулет Ізтілеу

Новости по теме
Серіктестер жаңалықтары