+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Астанада алғаш рет құрылыс крандары шығарыла бастады

2021 жылғы 18 ақпан 18:05
Бөлісіңіз:
Астанада алғаш рет құрылыс крандары шығарыла бастады

НҰР-СҰЛТАН. ҚазАқпарат – Нұр-Сұлтан қаласында алғаш рет құрылыс крандары шығарыла бастады. Бұл туралы елорда әкімі Алтай Көлгінов Instagram-да жазды, деп хабарлайды ҚазАқпарат.

Ұқсас жаңалықтар

«Құрылыс индустриясындағы отандық өндірушілерді қолдауға бағытталған «қарапайым заттар экономикасы« жобасы аясында елордада алғаш рет құрылыс крандарын өзіміз шығара бастадық.

Бұрын мұнаралы құрылыс крандары шетелден әкелінетін, оларды тасымалдау қымбатқа түсетін.

Бүгін елордадағы алғашқы кран жасалған цехқа бардық. Құрылыстың басты драйвер екенін ескерсек, отандық материалдар өндіру біз үшін өте маңызды. Былтыр 3 млн шаршы метр тұрғын үй салып, пайдалануға бердік. Айталық, 7 мыңнан астам әлеуметтік пәтер салдық, биыл бұл көрсеткішті одан да арттырамыз. Бұл салада да өндірісті қолдайтын боламыз», - деді әкім.

А.Көлгінов мәлім еткендей, алғашқы құрылыс крандарын «Лашын Фактори» ЖШС компаниясы шығара бастады. Бұл компания «Астана - жаңа қала» АЭА мүшесі, №1 индустриялық паркте орналасқан. Кәсіпорында отандық лифтілер де шығарылады. Лифтілер ЭКСПО кезінде қолданылып, мемлекеттік бағдарламалар бойынша салынған тұрғын үй кешендеріне орнатылған.

«Мемлекет басшысының тапсырмасына сәйкес, инвесторларға қолайлы жағдай жасап, инвестициялық ахуалды жақсарту үшін жұмыс істейміз. Пандемияға қарамастан, былтырдың өзінде 1 триллион теңгеден астам жеке инвестицияларды тарту мүмкін болды. 111 инвестициялық жоба қолдау тапты. Бірінші кезекте - қала тұрғындары мен қалаға қажет жобаларды қолдаймыз. Олардың қатарына - өнеркәсіп, логистика, сауда және т.б. салалардағы әлеуметтік нысандар кіреді», - деді қала басшысы.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT