Астанада алаяқ туристерден 4 млн теңгеден астам қаражат жымқырған
«2016 жылы Астана қаласында «Voyage tours» туристік агенттігінің ЖШС директоры бола тұра, 23 жастағы әйел заңсыз баю мақсатында төмен бағамен Доминикан Республикасына және БАӘ-ге тур ресімдеу мүмкіндігі туралы «Instagram» қосымшасы арқылы көрінеу жалған ақпарат таратады», - делінген хабарламада.
Туристік қызметті дұрыс көрсетпей, алдап сенімдеріне кіру арқылы сотталушы төрт адамның ақшасын иеленген. Олардың материалдық шығыны 4 млн 455 мың 334 теңгені құрады.
Сот талқылауында сотталушы келтірілген шығынды толықтай төледі. Жәбірленушілер оны бас бостандығынан айырмай жазалауды сұрады. Сот үкімімен оған ҚР ҚК 190-бабы 1-тармағы 3-бөлігі бойынша жаза тағайындалды. Тәуелсіздіктің 25 жылдығына орай рақымшылық туралы заңды қолданумен оның жазасы шартты түрде 2 жыл 4 айға тағайындалды.
Айыпты үкімге шағымданған жоқ, заңды күшіне енді.