+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Астанада алаяқ 50-ге жуық адамның атынан онлайн несие рәсімдеген

2020 жылғы 15 қыркүйек 23:30
Бөлісіңіз:
Астанада алаяқ 50-ге жуық адамның атынан онлайн несие рәсімдеген

НҰР-СҰЛТАН. ҚазАқпарат – Полиция қызметкерлері ұзақ уақыт бойы елорда тұрғындарына интернет-ресурс арқылы онлайн несие рәсімдеп жүрген 40 жастағы азаматты ұстады, деп хабарлайды ҚазАқпарат Нұр-Сұлтан қалалық полиция департаментінің баспасөз қызметіне сілтеме жасап.

Ұқсас жаңалықтар
Нұр-Сұлтанда интернет алаяқтық фактілері 15 пайыз көбейген Петропавлда көпбалалы мүгедек әйел интернет алаяқтарға алданды

Алаяқ жалған жолмен қаржы ұйымдарынан елорда тұрғындарының жеке мәліметтерін алып, онлайн қарыз рәсімдеп отырған. Ол жеке мәліметтерді пайдалана отырып зардап шеккендердің тіркеу жазбасына қол жеткізіп, кейін несие ретінде түскен ақшаны виртуалды карта және электронды әмиян арқылы шығарып алып отырған.

Осылайша тұрғындардың атына өздері білмеген несие тіркеле берген. Қазіргі уақытта алаяқтың әрекетінен 50-ге жуық тұрғынның зардап шеккені анықталды.

Полиция қызметкерлері тергеу барысында оның IP-мекенжайын анықтап, тұтқындады.

Қылмыскер тергеу изоляторына жабылды. Оған қатысты ҚР ҚК 190-бабы (ақпараттық жүйені пайдаланушыға қатысты алаяқтық) бойынша қылмыстық іс тергеліп жатыр.

Тұлға алаяқтық үшін бірнеше рет сотталған. Кейінгі рет ол 2 жыл бұрын қамауға алынып, екі жылға бас бостандығынан айырылған болатын. Сабақ алмаған ол, қылмыс жасауын тоқтатпаған.

Нұр-Сұлтан қалалық полиция департаменті тұрғындарды анонимді интернет-ресурстарда жеке мәліметтерді таратпауға және оларды мессенджер арқылы ешкімге жібермеуге шақырады.

Тексерілген, сенімді интернет-порталдарды ғана пайдаланған жөн.


Біздің каналымызға жазылыңыз:

Бөлісіңіз:

Автор:

Балнұр Қожагелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT