+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

Астанада АИТВ жұқтырған оннан астам әйел өмірге дені сау сәби әкелді

2018 жылғы 15 қараша 16:51
Бөлісіңіз:
Астанада АИТВ жұқтырған оннан астам әйел өмірге дені сау сәби әкелді

АСТАНА. ҚазАқпарат - Астанада АИТВ (ВИЧ) инфекциясын жұқтырған оннан астам әйел өмірге дені сау сәби әкеліп, тұрақты диета мен режимнің арқасында қалыпты өмір сүріп жатыр. Бұл туралы Астана қалалық ЖИТС алдын алу және оған қарсы күрес орталығының бас дәрігері Сәбит Бекмағамбетов мәлім етті, деп хабарлайды ҚазАқпарат тілшісі.

Сәбит Бекмағамбетовтың айтуына қарағанда, қазіргі таңда Астанада АИТВ жұқтырып, ЖИТС (СПИД) ауруына шалдыққандардың есебінде 989 пациент тұр. Оның ішінде 63 пайызы ЖИТС-дің алдын алу және оған қарсы күрес орталығында тұрақты түрде антиреровирусты терапиядан өтіп тұрады.

«Қазіргі таңда елордада АИТВ жұқпасын жұқтырғанымен, сап-сау үш баладан тапқан онға тарта әйел бар. Мәселен, кеше ғана теледидардан көрсеткендей, АИТВ жұқпасын жұқтырғандардың есебінде тұрғанына 16 жыл болған әйел сап-сау екі бала тауып, қалыпты өмір сүріп жатыр. Бұл - ең алдымен әлгі әйелдің уақтылы ем алғанының арқасы екенін айта кету керек. Диета мен режимді қатаң сақтаған жағдайда тұрақты өмір сүруге болады. Міне, сондықтан өмірдің осындай сәттерін БАҚ арқылы халыққа жеткізудің маңызы зор», - деді Сәбит Бекмағамбетов орталықта өткен баспасөз мәслихатында.

Еске сала кетсек, ҚР Денсаулық сақтау министрлігі 2018 жылдың 15 қарашасы мен 15 желтоқсаны аралығында «Өз мәртебеңді біл» үндеуімен Дүниежүзілік ЖИТС-ке қарсы күрес науқанын жариялады. Астана қаласының қоғамдық денсаулық сақтау басқармасы мен ЖИТС орталығы осы науқанға қосылып, алдын ала тексеруден өтудің маңызды екенін ескертуде.

Біздің каналымызға жазылыңыз:

Басты сөздер: Нұр-Сұлтан, Медицина,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT