Астанада аграрлық-инновациялық орталық ашылады
Бүгін Астанада өткен ҚХА кәсіпкерлер қауымдастығының форумында ҚХА Төрағасының орынбасары Леонид Прокопенко Мемлекет басшысының тапсырмаларын орындауда бес негізгі бағытқа назар аударылатынын атап өтті.
«Бірінші мақсат - агроөнеркәсіп кешенінің әлеуетін іске асыру, ғылыми аграрлық-инновациялық орталық құру. Ауыл шаруашылығы саласына беделді отандық және шетелдік сарапшыларды белсенді тарту да негізгі мақсаттардың бірі. Бұл мәселе бойынша ҚХА Хатшылығы, атап айтқанда, С.Сейфуллин атындағы Қазақ агротехникалық университетімен қол қойылған меморандум аясында жұмыс істейді », - деді Л. Прокопенко.
Сонымен қатар, қауымдастық жас кәсіпкерлерді қолдауға, сондай-ақ ауылдық кәсіпкерлікті өркендетуге күш салмақ.
«Үшіншіден, импорт алмастыру және кооперацияларды дамытуға ден қойылады. Төртіншіден, - технологиялар мен құзыреттердің трансферті. Бұл дегеніміз - заманауи технологияларды тарту, кәсіпкерлерді жаңа бизнес дағдыларына үйрету», - дейді ол.
Леонид Прокопенко өз сөзінде неміс, түрік, корей, сондай-ақ ұйғыр этномәдени бірлестіктерінің үлкен тәжірибесін атап өтті.
«Табиғи ресурстардың ұтымды пайдаланылуына бағытталған жобаларды қолдауды көздейтін« жасыл» экономиканы дамытуды көздеп отырмыз», - деді ол.
Еске сала кетсек, Астанада «Мемлекет басшысының тапсырмаларын орындау үшін ҚХА Кәсіпкерлер қауымдастығының 5 бастамасы» тақырыбында форум өткен болатын. Форум аясында Қазақстан халқы Ассамблеясы Кәсіпкерлер қауымдастығы құрамына енетін отандық тауар өндірушілердің, қолөнершілер мен жас стартапшылардың өнімдері қойылған көрме ұйымдастырылды. Іс-шараға ҚХА Төрағасының орынбасары - Қазақстан халқы Ассамблеясы Хатшылығының меңгерушісі Леонид Прокопенко, ҚР Парламенті Мәжілісінің депутаттары Владимир Божко, Юрий Тимощенко, Альберт Рау, сонымен қатар мемлекеттік органдардың өкілдері қатысты.