+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Астанада 71 жастағы әжей зәулім үйге сатымен жүгіріп шықты

2018 жылғы 9 қыркүйек 17:15
Бөлісіңіз:
Астанада 71 жастағы әжей зәулім үйге сатымен жүгіріп шықты

АСТАНА. ҚазАқпарат - Бүгін Астанада биік ғимаратқа баспалдақпен жүгіріп шығудан марафон өтті, деп хабарлайды ҚазАқпарат тілшісі.

Ұйымдастырушылардың айтуынша, Highvill Skyrunning қайырымдылық марафоны осымен екінші рет өткізіліп отыр.

Жарыс шарты бойынша, қатысушылар алдымен 100 метр дистанцияға жүгіріп, артынша Highvill тұрғын үй кешенінің ең жоғарғы 34-қабатына баспалдақпен (700 баспалдақ) шығуы тиіс болды.

null Оған қатысуға Қазақстанның Астана, Алматы, Петропавл, Орал, Қарағанда, Көкшетау және тағы басқа шаһарларынан, сондай-ақ Минск, Штутгарт, Фильдерштадт секілді шетелдік қалалардан барлығы 326 (212 - ер, 114 әйел) адам қатысты. Сөреге 280 желаяқ жетті.

Қатысушыларға старт пен сөре уақытын тіркейтін чиптер таратылып берді. Үйдің баспалдақ алаңдарында 30 волонтер тұрды. Медицина қызметкерлері де кезекшілік етті.

Жарыста ерлер 18-30, 31-40, 41-50 және 51-60 жас санаттары, ал әйелдер 18-30, 31-40 және 41-50 жас санаттары бойынша бақ сынады. Айта кетерлігі, шараға жастар ерекше қызығушылық танытты. Қатысушылардың жалпы санының 57% 18-30 жас аралығындағы адамдардың құрағаны соны айғақтайды.

null18-30 жастағы ерлер арасында жеңімпаз Әлімжан Балтабек (3:48) болды. Сондай-ақ 31-40 жастағылар арасында - Абай Ғалымов (3:45), 41-50 жастағылар арасында Евгений Медведников (3:56) және 51-60 жастағылар арасында Владислав Кадатских (4:45) топ жарды.

Әйелдер арасында 18-30 жас санатында жеңімпаз Элмира Молдашева (5:28) атанды. 31-40 жас категориясында - Екатерина Шатная (5:03) және 41-50 жас санатында Нелли Медведева (5:54) бірінші болып келді.

Жарыстың ең егде қатысушысы 71 жастағы әжей Амегульсин Мирошниченко 41-50 жас аралығындағы әйел қатысушылармен жүгіріп, Highvill-дің биігін 9 минут 15 секундта бағындырды. Ерлер арасындағы жасы ең үлкен қатысушы - 64 жастағы Қазбек Бекеев болды. Ол 34-қабатқа 4 минут 52 секундта көтеріліп, 51-60 жас санатында 2-орынды иеленді.

Шара соңында 5 санат бойынша жеңімпаздар мен жүлдегерлер 50 мыңнан - 100 мыңға дейінгі ақшалай сыйлықтармен марапатталды.

Биылғы марафон қайырымдылық мақсатында ұйымдастырылып отырғанын бұған дейін жазған болатынбыз.

Біздің каналымызға жазылыңыз:

Бөлісіңіз:

Автор:

Нұрлан Тұяқов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT