Қолданушы баптаулары
Қолданушы баптаулары
+7 (701) 759 90 19 Лента
Астана: 11 °С
Алматы: 22 °С
USD 345.68 EUR 404.45
RUB 5.48 CNY 50.91
Жаңалықтар

Астанада 30 мыңнан астам «ақылды» шамдар орнатылады

2018 жылғы 22 маусым 10:33 584
Бөлісіңіз:
Астанада 30 мыңнан астам «ақылды» шамдар орнатылады

АСТАНА. ҚазАқпарат - Жаңа «ақылды» шамдар қаладағы электр энергиясын 30% үнемдеуге мүмкіндік береді, деп хабарлайды ҚазАқпарат қала әкімдігінің сайтына сілтеме жасап.

Көшені жарықтандыру жекенің қолына өтпек. Осыған орай, қала әкімдігі Отын-энергетикалық кешені және коммуналдық шаруашылық басқармасы арқылы көшені «ақылды» жарықтандырумен қамтамасыз ету үшін мемлекеттік-жекешелік әріптестік арқылы конкурс жариялайды.

Отын-энергетикалық кешені және коммуналдық шаруашылық басқармасының отын-энергетикалық ресурс бөлімінің басшысы Мақсат Есмағұловтың айтуынша, қазіргі таңда қала көшелерін түрлі типтегі бірыңғай стандарты жоқ шамдар жарықтандыруда.  

«Кейбір жерлерге энергия үнемдейтіні орнатылған, кейбір жерлерде ескі типтегісі орнатылған, ал қазір барлық жерге бірдей етіп жарықтандыру орнату қажет. Ол үшін аудан әкімдіктерінің бірлігінде тұрған 30 мыңнан астам ескі шамдарды ауыстыру жоспарланып отыр», - деп түсіндірді ол. 

Оның айтуынша, олар тек энергия ғана үнемдеп қоймайды, ең бастысы «ақылды» шамдар.

«Шамның автоматты режімде жанып, сөніп тұруына басымдық беретін жүйе орнатылады. Осылай жанып-өшіп тұратынын реттейтін арнайы жарық датчигі болады. Сондай-ақ диспетчрлік пункт те құрылады, олар автоматты режімде қай учаскеде шам сөніп қалды, қай жерде апат болды, қай жерде жарық жоқ, шам қайда күйіп кетті, соның бәрін диспетчерлік пунктте бақылап тұруға болады», - деді М. Есмағұлов.

Қазіргі таңда МЖӘ-жобасының конкурстық құжатын әзірлеу аяқталды. Конкурс бүгін жарияланады деп көзделген. Оған біліктілік талаптарына жауап бере алатын барлық әлеуетті қатысушылар жберіледі. Конкурстың құжаттық көшірме пакеттерін қалалық «AstanaInvest» инвестицияларды дамыту орталығынан конкурстың өтетінін жариялағаннан күннен бастап тегін алуға болады. Өтініштерді қабылдау 31 шілдеге дейін жалғасады. 

Конкурстың жеңімпазымен келісімшартқа қол қоюды қыркүйектің соңына таман жоспарлап отыр. Осыдан кейін жекеменшік әріптес қуат көзін үнемдейтін шамдарды орнатуға кірісуі тиіс.  

 

 


Бөлісіңіз:
Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Гүлмира Алякпарова
Гүлмира Алякпарова
954-059
Редактор
Кожакелдиев Е.
Кожакелдиев Е.
954-059
Мұрағат