+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Астанада 3 ай бойы вакцина паспортын қолдан жасап сатқан топ ұсталды

2021 жылғы 17 қыркүйек 11:24
Бөлісіңіз:
Астанада 3 ай бойы вакцина паспортын қолдан жасап сатқан топ ұсталды

НҰР-СҰЛТАН. ҚазАқпарат – Елорданың криминалдық полиция қызметкерлері 3 ай бойы вакцина паспортын қолдан жасап сатқан 3 адамды ұстады, деп хабарлайды ҚазАқпарат тілшісі.

Ұқсас жаңалықтар
Алексей Цой жалған вакциналау паспорты туралы: Кімді алдап жатыр

«Елорданың криминалдық полиция қызметкерлері қалада ПТР тест анықтамасын немесе вакцинация паспортын жасап сататын адамдарды анықтау бойынша тұрақты негізде іс-шаралар жүргізеді. Бұл жолы 38 және 40 жастағы 2 медицина қызметкері мен біреуінің 44 жастағы күйеуі ұсталды», - деп жазады Нұр-Сұлтан қаласы полиция департаментінің баспасөз қызметі.

Полиция өкілдерінің айтуынша, күдікке ілінген медицина қызметкерлері соңғы үш ай бойы ешқандай екпе жасамай-ақ, вакцинация паспортын жасап сатып келген.

Ал оның ақысын алдын ала алып отырған. Сақтық үшін жалған паспорт жасатушыларды тек таныстарының кеңесі бойынша ғана қабылдаған.

«Бұл істе медицина қызметкерлерінің бірінің күйеуі «клиенттермен» кездесіп, төлемді жинап отырған. Медициналық мекемеге келген «клиенттер» «жалған анықтама алу үшін келдім» деген қод-сөзді айтуы керек болған. Күдіктілердің үстінен ҚР Қылмыстық кодесінің 385-бабы («Жалған құжаттарды қолдан жасау, дайындау немесе өткізу») бойынша сотқа дейінгі тергеу басталды. Бап санкциясы 4 жылға дейін бас бостандығынан айыруды көздейді», - деп жазылған департаменттің мәліметінде.

Күдіктілерді тінту кезінде медициналық құжаттар, ұялы телефондар тәркіленген.

«Тергеу аясында қажетті сараптамалар тағайындалды. Медицина қызметкерлері кінәларын мойындап, түсініктеме берді. Жалған вакцинация паспортын алу үшін оларға жүгінген адамдардың саны нақтыланып жатыр. Нұр-Сұлтан қаласының полиция департаменті азаматтарға кез-келген заңсыз әрекеттер жауапкершілікке әкеп соқтыратынын ескертеді», - деп жазады департаменттің баспасөз қызметі.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT