19:31, 20 Тамыз 2018 | GMT +6
«Астана» велокомандасы «Вуэльта» жарысына қатысатын құрамын жариялады
АСТАНА. ҚазАқпарат - «Астана» велокомандасы Испания Вуэльтасы гранд-турына қатысатын құрамын таныстырды. Жарыс 25 тамыздан 16 қыркүйекке дейінгі аралықта Испания және Андоррада өтеді, деп хабарлайды «SPORTINFORM» САА клубтың ресми сайтына сілтеме жасап.
Команданың құрамы: Пельо Бильбао, Дарио Катальдо, Омар Фраиле, Ян Хирт, Мигель Анхель Лопес, Никита Стальнов, Давиде Виллелья және Андрей Зейц.
Спорт директорлары: Александр Шефер, Дмитрий Седун, Стефано Занини.
Еске сала кетейік, бұдан бұрынғы «Тур де Франс» гранд-турында «Астана» капитаны Якоб Фульсанг бас классификацияда 12-орынға, ал Танел Кангерт 16-орынға тұрақтаған болатын. Қазақстан командасының еншісінде биылғы Тур де Франстың екі жеңісі бар: 14-кезеңнің жүйрігі Омар Фраиле атанса, 15-кезеңде Нильсен Магнус Корт алдына жан салмаған болатын.