+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

«Астана» университетінің лицензиясы тоқтатылуы мүмкін

2019 жылғы 22 тамыз 16:52
Бөлісіңіз:
«Астана» университетінің лицензиясы тоқтатылуы мүмкін

НҰР-СҰЛТАН. ҚазАқпарат – ҚР Білім және ғылым министрлігі «Астана» университетінде бірқатар бұзушылықты анықтады. Бұл туралы ҚазАқпарат ведомствоның Facebook-тегі парақшасына сілтеме жасап хабарлайды.

«Құқық бұзушылыққа «мүлдем төзбеушілік» қағидатын басшылыққа ала отырып, Қазақстан Республикасы Білім және ғылым министрлігі еліміздің жоғары оқу орындарын тексеру бойынша жұмыс жүргізіп жатыр. «Астана» университетіндегі жоспардан тыс тексеру нәтижесінде аталған білім беру ұйымында қолданыстағы талаптарға сәйкес келмеген мәселелер анықталды. Университетке қабылдау ережелері, студенттерді ауыстыру және қайта қабылдау тәртібі, емтихан өткізу және емтихан сессиясының қорытындысы бойынша құжаттар жүргізу тәртібі бұзылған. Сонымен қатар, аралық бақылау жүргізу кезінде Академиялық саясат сақталмаған», - делінген ресми жазбада.

Министрлік аталмыш университетке анықталған кемшіліктерді жою үшін 1 қыркүйекке дейін мүмкіндік беріп отыр.

«Тексеру әтижесінде, айыппұл салу және білім беру қызметіне лицензияның қолданылуын тоқтату туралы қаулы шығарылды. Бүгінгі таңда қаулы заңды күшіне енген жоқ. Университетке 2019 жылдың 1 қыркүйегіне дейін анықталған барлық бұзушылықтарды жою туралы нұсқама берілді. Нұсқама орындалмаған жағдайда іс сотқа жіберіледі. Тоқтату туралы қаулының шығуы универистеттің білім беру лицензиясы алынды деген сөз емес. Белгіленген мерзімге дейін кемшіліктер жойылса, тоқтау туралы қаулы күшін жояды», - дейді ҚР Білім және ғылым министрінің кеңесшісі Ерболат Мұхаметжан.

Еске салсақ, ҚР Білім және ғылым министрлігінің жоспардан тыс тексеруінен кейін Шымкент қаласының аймақтық әлеуметтік-инновациялық университетінде үш іс қозғалған болатын.

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT