Қолданушы баптаулары
Қолданушы баптаулары
+7 (701) 759 90 19 Лента
USD 377.33 EUR 424.68
RUB 5.92 CNY 56.17
Jańalyqtar

Астана тұрғындары жалған электр мамандары туралы ескертілді

2018 жылғы 5 желтоқсан 18:37 460
Бөлісіңіз:
Астана тұрғындары жалған электр мамандары туралы ескертілді

АСТАНА.ҚазАқпарат - «Астанаэнергосервис» АҚ Facebook-тегі ресми парақшасында атауы бірдей ұйымның қала тұрғындарын өрт пайда болады деп қорқытып, электр сымдарын ауыстыру қызметін ұсынып жүрген заңға қайшы әрекеттері туралы ескертті, деп хабарлайды «ҚазАқпарат» ХАА.

Ұқсас жаңалықтар
Канадада қауіпті заттар тиелген 10 вагон рельстен шығып кетті Ақтауда 1,5 жасар баланың өңешіне тұрып қалған тиын алынды

«Бізге елорда тұрғындарынан компаниялардың бірінің әрекеттеріне байланысты біраз шағымдары келіп түскен. Аталған ұйым компаниямыздың атауын пайдаланып, халыққа электр сымдарын тексеру және ауыстыру қызметін ұсынып жүр. Бұл ұйымның «Астанаэнергосервис» АҚ-ға еш қатысы жоқ екенін атап өту керек. Біздің компания пәтерлерде электр сымдарын тексермейді, ауыстырмайды. «Астанаэнергосервис» АҚ компаниялар тобы жылу және электр энергиясын өндіру және тасымалдаумен айналысады», - делінген хабарламада.

«Тұрғындар қызметін ұсынған ұйымның оларды егер электр сымдарын ауыстырмаса, өрт пайда болады деп қорқытқанын айтты. Ең көп шағым зейнеткерлер, балалар мен немерелерден келіп түсті», - деп хабарлады «Астанаэнергосервис».

Компания тұрғындарды қырағылық танытуға шақырды. Яғни құжаттарды тексеріп отыру, сымдардың ақауы бар екеніне көз жеткізбей қызмет көрсетуге келіспеу, қызмет көрсететін ұйым, коммуналдық қызметке жүгіну, ал алданғанын сезсе - бірден полицияға шағымдану керек.

 

 

Біздің каналымызға жазылыңыз:

Басты сөздер: Оқиға, Нұр-Сұлтан,
Бөлісіңіз:
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT