+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

«Астана Су Арнасы» жұмысшыларының өліміне қатысты тергеу жүргізілуде

2019 жылғы 24 мамыр 11:49
Бөлісіңіз:
«Астана Су Арнасы» жұмысшыларының өліміне қатысты тергеу жүргізілуде

НҰР-СҰЛТАН. ҚазАқпарат - Елорданың Полиция департаментінің өкілдері «Астана Су Арнасы» мекемесінің төрт қызметкерінің өліміне қатысты пікір білдірді, деп хабарлайды ҚазАқпарат тілшісі.

«23 мамыр күні сағат 16.24 кезінде Бауыржан Момышұлы даңғылындағы «Кәріздік-сорғылық стансая» аумағында жұмыс жүргізу барысында 4 қызметкер биогазбен уланып қалған. Аталмыш факт бойынша, ҚР Қылмыстық кодексінің 156-бабы (Еңбектi қорғау қағидаларын бұзу) бойынша сотқа дейінгі тергеу амалдары басталды. Қажетті сараптама жұмыстары тағайындалып, соның нәтижесі бойынша процессуалдық шешім қабылданатын болады», - деп хабарлайды Полиция департаментінен.

Еске сала кетсек, Нұр-Сұлтан қаласында 4 адамның метан газынан уланып көз жұмғаны туралы кеше хабарланған болатын. Оқиға астанадағы Оқушылар сарайының маңындағы құдықтардың бірінде болған. Уланғандардың барлығы көз жұмған.

Қала әкімі Бақыт Сұлтановтың айтуынша, төртеуі де - «Астана су арнасы» коммуналдық мекемесінің қызметкерлері.

«Өзімнің және әкімдіктің атынан марқұмдардың отбасына қайғырып көңіл айтамын. Әкімдік барлық қажетті көмекті көрсетеді. Тиісті қызметтерге егжей-тегжейлі тергеу жүргізіп, қайғылы оқиғаның себептерін анықтауды тапсырдым», - деп жазды қала басшысы Facebook-тегі парақшасында.

Біздің каналымызға жазылыңыз:

Басты сөздер: Нұр-Сұлтан, Оқиға, ҚР ІІМ,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT