Астана процесінің арқасында Сириядағы дағдарысты жедел шешуге мүмкіндік пайда болды - Путин

ЧЕЛЯБИНСК. ҚазАқпарат - Ресей Президенті Владимир Путин Астанада Сирия бойынша халықаралық кездесулердің өткізілуіне қомақты үлес қосқаны үшін Нұрсұлтан Назарбаевқа алғыс білдірді, деп хабарлайды «ҚазАқпарат» ХАА тілшісі.

«Астанада Сирияға қатысты халықаралық кездесулердің өткізілуіне қомақты үлес қосқаны үшін Нұрсұлтан Әбішұлына алғыс білдіремін. Астана келіссөздерінің арқасында Сириядағы дағдарысты жедел шешуге мүмкіндік пайда болды, сириялықтардың өздері саяси реттеу үдерісін бастау туралы келісімге қол жеткізді», - деді Владимир Путин Челябинскіде өтіп жатқан Қазақстан мен Ресейдің ХІV өңіраралық ынтымақтастығы форумының пленарлық отырысында.