19:19, 08 Қараша 2013 | GMT +6
«Астана Опера» әншісі Салтанат Ахметова Германияда өткен вокалшылар конкурсында жүлдегер атанды
АЛМАТЫ. 8 қараша. ҚазАқпарат - Елордалық «Астана Опера» театрының әншісі Салтанат Ахметова Германияда өткен Neue Stimmen ірі вокалшылар конкурсының бірінде финалға өтіп, «Klassik Herbst in Gutersloh' Forderpreis» («Классическая осень в Гютерсло») жүлдесін ұтып алды.
«Бұл конкурсқа бір жарым мыңға жуық адам өтінім берген, соның ішінде барлығы 40 адам өткен. Финалға өту бақыты тек 9 вокалшыға бұйырған, солардың ішінде С. Ахметова бар. Іріктеу турында ол Г.Ф. Генделдің «Юлий Цезарь» операсынан Клеопатра ариясын орындаған болатын, - деп хабарлады «Астана Опера» мемлекеттік опера және балет театрының баспасөз қызметінен.
Қатысушылар жоғары деңгейдегі пианистердің сүйемелдеуімен өнер көрсетті. Қазылар алқасының құрамына Еуропа және Американың ірі театрларының директорлары енген.