+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Astana Open: Тимофей Скатов тәжірибелі теннисшіні жеңіп, екінші айналымға шықты

2021 жылғы 20 қыркүйек 19:24
Бөлісіңіз:
Astana Open: Тимофей Скатов тәжірибелі теннисшіні жеңіп, екінші айналымға шықты

НҰР-СҰЛТАН. ҚазАқпарат – Қазақстандық, әлемнің 280-ракеткасы, 20 жастағы Тимофей Скатов Astana Open ATP 250 турнирінің екінші айналымына шықты, деп хабарлайды ҚазАқпарат тілшісі.

Ұқсас жаңалықтар
Теннис: Александр Бублик әлемдік рейтингіде 35-орынға көтерілді Теннис: Елена Рыбакина жұптық рейтингіде бірден 47 саты жоғары көтерілді Үстел теннисінен ҚР кубогінің жеңімпаздары анықталды

Жуырда Қазақстанның абсолютті чемпионы атанып, осы жарысқа шақырту алған Т.Скатов алғашқы айналымда әлемнің 87-ракеткасы, 37 жастағы италиялық Андреас Сеппимен шеберлік байқасты.

Бір қызығы, А.Сеппи 2002 жылы кәсіпқой спорттағы жолын бастаған кезде Т.Скатов 1 жаста еді.

Тәжірибелі теннисші бірінші партияда 3:0 есебімен алға кеткенімен, Тимофей қарымта қайтарып, таразы басын теңестірді. Тай-брейкте қазақстандық спортшы сәтті ойнады – 7:6 (7:3).

Екінші сетте Скатов 3:0 есебімен алға шыққанымен, Сеппи алысқа ұзатпай, қатарынан бес гейм алды – 5:3. Ақыры ол өз мүмкіндігін мүлт жіберген жоқ – 6:4.

Үшінші, шешуші партияда қазақстандық теннисші 5:0 есебімен алға кетті. Содан кейін матчқа доп бергенде, қателеспеді – 6:1.

Тартысты өткен бәсеке 2 сағат 56 минутқа созылды.

Матч барысында Т.Скатов 2 эйс жасап, 7 брейк-пойнттың төртеуін пайдалана білді. Қарсыласы 6 эйс, 3 брейкке (10 брейк-пойнт) қол жеткізді.

Т.Скатов екінші айналымда әлемнің 52-ракеткасы, Беларусь өкілі Илья Ивашка немесе рейтингте 169-сатыдағы швециялық Элиас Имердің біреуімен шеберлік байқасады.

Тағы бір қазақстандық Денис Евсеев іріктеу сайыстарының финалында аустралиялық Марк Полмансқа 4:6, 2:6 есебімен есе жіберіп, негізгі жарысқа шыға алмай қалды.

Еске сала кетейік, бұдан бұрын Astana Open ATP 250 турнирінде қазақстандықтардың қарсыластары анықталғанын, Дмитрий Попконың іріктеу сайыстарының финалына шыққанын жазған болатынбыз.

Сондай-ақ Д.Попко негізгі турнирге жолдама алды.

Д.Попко алғашқы айналымда Astana Open додасының өткен жылғы жеңімпазы, әлемнің 48-ракеткасы, аустралиялық Джон Миллманмен кездеседі.






Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT