ФУТБОЛДАН ӘЛЕМ ЧЕМПИОНАТЫ-2022

Astana Open ATP 500 турнирі: іріктеу сайыстарында төрт қазақстандық бақ сынайды

2022 жылғы 1 қазан, 02:01
Astana Open ATP 500 турнирі: іріктеу сайыстарында төрт қазақстандық бақ сынайды

АСТАНА. ҚазАқпарат – Astana Open ATP 500 турнирі іріктеу сайыстарының жеребесі тартылды, деп хабарлайды ҚазАқпарат тілшісі.

Қазақстан теннис федерациясынан мәлім еткеніндей, іріктеу сайыстарына ұйымдастырушылардан төрт қазақстандық Денис Евсеев, Григорий Ломакин, Александр Недовесов және Арысланбек Айтқұлов арнайы шақырту алды.

Д.Евсеев әлемнің 65-ракеткасы, бельгиялық Давид Гоффенмен ойнайды. Александр Недовесов колумбиялық Даниель Галанмен, Григорий Ломакин түркиялық Алтуг Челикбилекпен, Арысланбек Айтқұлов ресейлік Павел Котовтан өтуге тырысып көреді.

Сондай-ақ өзбекстандық Денис Истомин мен сербиялық Ласло Джере, Қытай теннисінің жас жұлдызы Чжичжень Чжан мен түркиялық Жем Илкель өзара бәсекеге түседі. Іріктеу сайыстарында Хамад Маджедович – Лука Нарди, Александр Шевченко – Карлос Гомес кортқа шығады.

Іріктеу сайыстары 1 қазан күні басталады.

Еске сала кетейік, бұдан бұрын Бейбіт Жукаевтың екі мәрте ел чемпионы атанғанын, теннисші Тимофей Скатовтың Лиссабон турнирінің жартылай финалына шыққанын жазған болатынбыз.


Теги:
Ұқсас жаңалықтар
Серіктестер жаңалықтары

Jańalyqtar