10:01, 02 Маусым 2022 | GMT +6
Астана мен Алматыда коронавирустың жаңа жағдайлары тіркелді
НҰР-СҰЛТАН. ҚазАқпарат - Қазақстанда өткен бір тәулікте коронавирустың расталған 5 жағдайы тіркелді, деп хабарлайды ҚазАқпарат COVID-19 таралуына жол бермеу жөніндегі ведомствоаралық комиссия мәліметіне сілтеме жасап.
Атап айтқанда, індетті Нұр-Сұлтан қаласында - 1, Алматы қаласында 4 адам жұқтырды.
Сондай-ақ 1 маусымдағы тәулік ішінде қауіпті инфекциядан Алматы және Алматы облыстарында 4 адам жазылып шықты.
Еске салайық, 31 мамыр күнгі бір тәулікте елімізде коронавирустың 5 жағдайы тіркелген болатын: Нұр-Сұлтан қаласында – 3, Алматы қаласында – 2 адам. Жазылды - 9 науқас.
Жалпы пандемия басталғалы Қазақстанда коронавирус 1 305 760 адамнан анықталды. Оның ішінде 1 292 019 науқас сырқатынан айықты.