Астана мектептерінде ата-аналардан тұратын белсенділер тобы жасақталмақ
«Ата-аналар қауымдастығымен бірлесе отырып, елордалық білім ұйымдарында ашықтық саясатын орнату, ата-аналардың мектеп өміріне белсенді қатысу, сонымен қатар балалардың жағдайын жақсартуға бағытталған іс-шаралар жиынтығын іске асыру мақсатында ата-аналардан тұратын белсенділер тобын құруды жоспарлауда», - делінген хабарламада .
Құрылған топ мектептерді жаңа оқу жылы қарсаңында қабылдайтын комиссияның құрамына кіріп (яғни ғимараттың оқу жылына қаншалықты дайын екендігін тексеру мақсатында), сондай-ақ колледждерге құжаттарды қабылдау барысында байқаушы ретінде қатысуға мүмкіндік алады.
Келешекте осы тізімдегі ата-аналардың қалалық тамақтану сапасын бақылау комиссиясы құрамына енуі жоспарланып отыр.
Білім басқармасы аталмыш топ құрамына кіруге қызығушылық танытқан ата-аналардан 11 тамызға дейін өтініш қабылдайды.