+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Astana Marathon 2021-ге вакцина алған желаяқтар ғана қатыса алады

2021 жылғы 20 қыркүйек 13:47
Бөлісіңіз:
Astana Marathon 2021-ге вакцина алған желаяқтар ғана қатыса алады

НҰР-СҰЛТАН. ҚазАқпарат – Елордада 26 қыркүйек күні жыл сайынғы Astana Marathon 2021 халықаралық марафоны өтеді. Биыл жарыс Қазақстан Республикасы Тәуелсіздігінің 30 жылдығына орайластырылып отыр, деп хабарлайды ҚазАқпарат қала әкімдігінің ресми сайтына сілтеме жасап.

Ұқсас жаңалықтар
Құрлықтық хоккей лигасы: «Барыс» беларусьтік «Динамоға» есе жіберді Триатлоннан 2022 жылғы Әлем чемпионаты өтетін қалалар анықталды Өскеменде вакцина алғандар арасында тұрмыстық техника ойнатылды

Марафонды Дене шынықтыру және спорт басқармасы ұйымдастырады. Айта кетейік, Нұр-Сұлтан қаласының Бас мемлекеттік санитарлық дәрігерінің қаулысына сәйкес, бұқаралық, соның ішінде спорттық іс-шараларды өткізуге тыйым салынады. Сондықтан биылғы жарысқа қатысушылар саны шектеулі болмақ. Ал КВИ-ге қарсы вакцинациядан өткен желаяқтарға қатысуға рұқсат етіледі (вакцинация тек ересек қатысушылар үшін).

Astana Marathon 2021 аясында екі қашықтық көзделеді: 18 және одан жоғары жастағы қатысушылар үшін 42,2 км, ал 16 және одан жоғары жастағы қатысушылар үшін 10 км (тек кәмелетке толған адамдар ғана вакцинацияланады). Марафонға қатысу үшін тіркелуді 23 қыркүйек сағат 00:00-ге дейін www.astana42k.com сайтынан онлайн өтуге болады.

Айта кету керек, биылғы марафон қатысушылар үшін ерекше болмақ, өйткені биыл ол «қола» статусына ие.

Bronze Label Road Races 2019 жылғы қарашада World Athletics ұйымы тарапынан беріліп, ТМД аумағында Astana Marathon осындай статусқа ие болған алғашқы және жалғыз марафон жасады. 2018 жылдан бастап Astana Marathon Халықаралық марафондар мен желаяқтар қауымдастығының (AIMS) мүшесі, 2020 жылдан бастап Abbott World Marathon Majors Wanda Age Group жас ерекшелік топтарында марафоннан әлем чемпионатының біліктілік марафондар тобына енді.

Естеріңізге сала кетейік, бұл бәсеке қайырымдылық шарасы болып саналады. Осылайша, 2009 жылдан бастап Astana Marathon ұйымдастырушылары қазақстандық қайырымдылық ұйымдары үшін 37 млн теңгеден астам қаражат жинады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT