+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

«Астана LRT» ісі: Тергеуге қатысты тың деректер жарияланды

2019 жылғы 10 қазан 12:42
Бөлісіңіз:
«Астана LRT» ісі: Тергеуге қатысты тың деректер жарияланды

НҰР-СҰЛТАН. ҚазАқпарат – Сыбайлас жемқорлыққа қарсы іс-қимыл агенттігі «Астана LRT» ісі бойынша тергеудің тың мән-жайлары анықталғанын жария етті, деп хабарлайды ҚазАқпарат тілшісі.

Ұқсас жаңалықтар
«Астана LRT» ісі: Қаражат жымқыру схемасы анықталды Тергеу амалдары «Астана LRT» құрылысына кедергі келтірмейді - агенттік «Astana LRT» ісі бойынша лауазымды күдіктілер анықталды

«Құрылыстың үш кезеңін де тергеп жатқан ведомствоаралық жедел тергеу тобы құрылды. Техникалық-экономикалық негіздемесі мен жобалық-сметалық құжаттаманың негізділігі, орындалған құрылыс жұмыстарының негізгі бөлігі, техникалық бақылау ісінің бәрі де тексеріліп жатыр. Осыған байланысты аталған саланы арнайы зерттей алатын мамандар мен сарапшыларды жұмысқа тартып жатырмыз», - деді елордада өткен бүгінгі брифингте агенттіктің екінші департаментінің басшысы Сергей Перов.

Оның айтуынша, іске қатысты барлық құжаттар қазіргі уақытта тәркіленген. Сол құжаттарға орай экономикалық және құрылыс сараптамалары тағайындалған.

«Қаржы мамандары экономикалық есепті жүргізіп жатыр, ал құрылыс сарапшылары салынып қойған нысандардың бақылауын аяқтады. Ұлттық банк пен Есеп комитетінің араласуымен Қытайдың даму банкінен «Астана Банкіне» салынған қаражаттың негізділігі мен заңдылығы да тексерілуде. Сонымен бірге, тергеу жымқырудың жаңа схемасын анықтап жатыр», - деді ол.

Агенттік ұсынған ақпаратқа сүйенсек, 2014 жылы «Астана LRT» ЖШС жобалық-сметалық құжаттамаларды әзірлеуде жоғарылатылған бағамен келісім жасаған.

«Мемлекеттік сараптамаға белгіленген 2,6 млрд теңгенің орнына LRT-мен 4,2 млрд теңгенің келісімі жасалған. Ол қаражаттың 3 млрд теңгесі мердігерлерге берілген. Айырмашылық 412 млн теңгені көрсеткен. Аталған сома қолма-қол ақшаға ауыстырылып, жалған кәсіпорындар арқылы жымқырылған», - дейді ол.

Еске салсақ, Президент LRT құрылысын жеделдетуді және оған қатысты істі тергеуді тапсырды.

Бұған дейін LRT-ның құрылысы уақытша тоқтатылғаны туралы хабарлаған болатынбыз. Оған қатысты Үкімет басшысы Асқар Мамин пікір білдірді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT