+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Астана көшелеріне қандай муралдар көрік беріп тұр

2020 жылғы 26 қазан 23:41
Бөлісіңіз:
Астана көшелеріне қандай муралдар көрік беріп тұр

НҰР-СҰЛТАН. ҚазАқпарат – Тұрғын үйлер мен қоғамдық орындарда бейнеленген муралдар елорданың келбетін ашып, жарқын бояулармен, түрлі композициялармен көрік беріп тұр. Нұр-Сұлтан көшелеріндегі арт-өнер галереясы қазақстандық және шетелдік суретшілердің туындыларына аса бай. Қаладағы ерекше муралдарға елорда әкімдігінің ресми сайты шолу жасаған, деп хабарлайды ҚазАқпарат.

Ұқсас жаңалықтар
Атырауда оқушылар сабақ арасындағы үзілісте Абай әндерін шырқайды

«Ғарыш ортасы» муралы - осы жазда Қабанбай батыр даңғылындағы Дөңгелек алаңның көпір астындағы аумағында пайда болды. Жұмбақ ғалам, зерттелмеген планеталар мен ғарыштық денелер бұл жерге ерекше атмосфера сыйлайды.


Қазақтың ұлы ақыны Абайдың портреті Абай даңғылында орналасқан көпқабатты үйдің сәнін келтіріп тұр. Бұл жұмыс ақынның 175 жылдығына орай Байқоңыр әкімдігінің қолдауымен салынды.


Коронавируспен күресте алдыңғы шепте жүрген медицина қызметкерлеріне арналған «Біз біргеміз» муралы. Композиция Сарыарқа және Жангелдин көшелерінің қиылысындағы көпқабатты үйдің қабырғасында бейнеленген.


Елордадағы тұрғын үйлердің бірінде орындалған «Иллюстрация» кейіпкерлер галереясын суретші Александра Калачева 2018 жылы Urban Fest Astana аясында салған. Суреттерде қала тұрғындарының күнделікті өмірі бейнеленген.



Әзербайжандық суретші Самир Салаховтың «Даладағы түс» стрит-артында (Молдағұлова көшесіндегі үйде) барыс пен ақбөкен бейнеленген.

Есенберлин көшесіндегі үйде Zmogk-тың «Тарих» муралы орналасқан. Бұл муралдың жарқын түстері көз тартады. Суретте тарихи оқиғаларды қағазға түсіріп отырған қызды көруге болады.

Евгений Ches-тің «Табиғат тақырыбындағы коллажы» бетон үйлер, шыны ғимараттармен астасқан қалалық көрініске табиғат мотивтерін араластырады.


Біздің каналымызға жазылыңыз:

Бөлісіңіз:

Автор:

Мира Төлендіқызы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT