Қолданушы баптаулары
Қолданушы баптаулары
+7 (701) 759 90 19 Лента
USD 368.28 EUR 419.21
RUB 5.59 CNY 53.08
Jańalyqtar

Астана іргесіндегі 20 ауылға газ тартылады

2018 жылғы 15 қыркүйек 04:31 461
Бөлісіңіз:
Астана іргесіндегі 20 ауылға газ тартылады

КӨКШЕТАУ. ҚазАқпарат - Ақмола өңірінің басшысы Мәлік Мырзалин мәслихат депутаттары алдындағы есептік кездесуінде өңірдің дамуы және алдағы перспективалары туралы айтты, деп хабарлайды ҚазАқпарат тілшісі.

Аймақ басшысы облыс елді мекендерін сапалы ауыз сумен қамтамасыз ету мәселесі, сондай-ақ газдандыру бойынша жобаны жүзеге асыру перспективаларына тоқталды.

«Астаналық елді мекендерді бір орталықтандырылған сумен жабдықтау бағытында  35 жоба жүзеге асырылуда, оның ішінде  10 жобаны биыл аяқтау жоспарланған. Ұзындығы 220 шақырым су құбыры және 21 шақыры кәріз желісі салынады», - деді аймақ басшысы.

Сонымен қатар, М.Мырзалиннің сөзіне қарағанда өңірде Мемлекет басшысының бастамасымен қолға алынған елді одан әрі газдандыру бойынша әлеуметтік жобасына да көңіл бөлінуде. Аталмыш «Сарыарқа» жобасы шеңберінде келер жылдан бастап, Аршалы және Целиноград аудандары аумағындағы 20 елді мекенге газ тарту жұмыстары қолға алынбақ.

Айта кетейік, өңір әкімі  облыстық мәслихат депутаттарымен кездесуінде, сондай-ақ Көкшетау жəне Астана маңындағы елді мекендерді дамыту жоспарымен бөліскен болатын. 

 

 

Біздің каналымызға жазылыңыз:

Басты сөздер: Аймақ, Ақмола облысы, Әкім,
Бөлісіңіз:

Автор:

Аслан Оспанов

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT