«Астана» футбол клубының бас бапкері тағайындалды

АСТАНА. ҚазАқпарат - Станимир Стойлов Қазақстанның ұлттық құрамасының бас бапкері қызметіне кеткеннен кейін «Астана» командасының бас бапкері қызметіне Григорий Бабаян келді, делінген клубтың сайтында.

Григорий Бабаянның «PRO» бапкерлік дәрежесі бар. Ол Қазақстан құрамасының, «Астана», «Цесна», «Алматы» командаларының бас бапкері болған.

Түрлі жылдары Бабаян Мирослав Беранек, Бернд Шторк, Антониус Йора, Иоан Андон, Юрий Красножан, Олег Протасов пен Станимира Стоиловтың бапкерлік штабтарында жұмыс істеген.

Бапкер ретінде 4 рет Қазақстан чемпионатын, үш рет Қазақстанның Кубогын және Суперкубогын ұтқан.